台灣萬金石馬拉松每年都受到注視，除了因為佢係國際田總銀標認證賽事，亦因佢跨越新北市萬里、金山、石門3區，沿維納斯海岸而跑，賽道美不勝收，係台灣其中最難報名嘅馬拉松。亦因為獎金不俗，吸引唔少國際高手獻技。
但估唔到，來自日本，有「市民跑手」之稱嘅川內優輝，一起步就全程放領，將大熱門肯雅同埃塞俄比亞嘅選手拋離，最遠更拋離達2分鐘距離。
結果，川內優輝以2小時14分衝線！
但衝線後，川內優輝體力耗盡，隨即倒地，由工作人員參扶坐上輪椅離場。幸好，休息後可站上頒獎台領獎。
Fitz 文章連結: https://fitz.hk/?p=89628
更多：
Fitz Facebook 專頁
香港長跑行山比賽
Fitz Running 跑步
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
