圖片來源

國內民眾做乜都鍾意一窩蜂,好似話,佢哋會一窩蜂去日本買廁所板,一窩蜂去健步,一窩蜂去廣場跳大媽舞……

近年跑步文化盛行,國內城市都一窩蜂去搞長跑比賽。

根據內地傳媒統計,2017年年尾嗰3個月 (即十月、十一月及十二月),全國比賽數量高達85場。喺10月最後一個周末,亦總共有22場比賽,其中有一半係超過1萬人參加。

而呢22場比賽,總共就吸引咗17萬人參賽!

根據組織者所講,國內比賽以南部地區最多,而呢啲地區因為要避開春天多雨潮濕嘅天氣,會將比賽集中喺年尾。咁就令10至12月,成為比賽泛濫嘅季節。

不過,官方講法就話呢個熱潮唔會咁快停。中國田協就估計,全國嘅比賽會由今年嘅300場左右,到2020年會增加至每年800場。

台灣的超馬名將李清言,搞3場比賽3場都取消,被指拖欠退回的報名費。 (台灣蘋果日報截圖)

比賽多唔代表係好事。睇番台灣經驗,比賽過多,會令比賽質素參差,跑友中伏,甚至引來騙徒混水摸魚,而香港亦開始出現比賽氾濫情況。

與其不斷增加比賽場數,不如控制一下比賽嘅質素!

資料來源:淅江在線


更多:
Fitz Facebook專頁
[新娘潭路謝絕比賽] 三項賽事被逼讓路 田總也中槍
香港長跑行山比賽時間表
Fitz Running 跑步

分享
張伯倫

自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。