漁護署資料圖片

踏入12月,又係觀賞紅葉季節。香港觀賞紅葉嘅地方有好多處,當中大棠因為交通較為方便,每年都吸引大批遊客前往。

漁護署網頁,就提供最新嘅大棠紅葉情報,將該處楓葉轉紅嘅情況,第一時間向外公佈,令市民可以最適合時間賞觀紅葉。

網頁每逢星期五更新,令大家可掌握第一手消息。

為咗疏導大批遊客,漁護署宣告,2017年12月2日至2018年1月14日,每逢星期六、日,以及公眾假期,大棠山道以及較處嘅停車場,將實施交通管制。警察會因應情況,將道路關閉或實施改道。市民如果要去大棠,最好使用公共交通工具。

按圖放大

此外,2017年12月3日至2018年1月7日,漁護署會喺大棠舉辦觀賞紅葉活動,有展板、攤位遊戲之外,亦有紅葉導賞,令市民可了解該處嘅楓樹及紅葉。

漁護署資料圖片

其餘9個賞紅葉勝地

1. 青衣公園
植有落羽松和水杉,雖唔係楓樹,但算係紅葉。

2. 城門水塘
於自然教育徑第二段位置,有一整排楓香樹。

3. 大埔滘自然護理區
入口處有幾棵楓樹,其中一棵據稱達26米高。

4. 中文大學
於崇基書院的未圓湖,植有不同種類的紅葉樹。

5. 動植物公園
上一輩稱為兵頭花園,園內有一條紅葉路。紅葉樹種植了過半個世紀,極為茂盛。

6. 香港公園
在公園不同位置都有紅葉樹,其中溫室外的三角槭極為特別。

7. 香港大學
在蒙國平花園有幾棵十分巨型的楓樹。

8. 九龍寨城公園
設有紅葉徑,人工而建,保證有得睇。

9. 根德道花園
由九龍塘東鐵線出口側之真光中學,傍邊有小路可到達公園,植有數十棵楓香樹。

注意:紅葉都枯萎時會自然落下,觀賞市民切勿搖動樹木、破壞樹木,請愛惜大自然景觀。

更多:
Fitz Facebook專頁
古道探遊一元荃古道
韓陵片石青山頂
[山郊散記] 馬騮走八仙

分享
Fitz

我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。