[米奇中醫堂] 穴來穴對: 俾人激親條氣唔順，點算? (疏肝調和支溝與陽陵泉)

由

2017-10-27

Fitz > 生活 Life > [米奇中醫堂] 穴來穴對: 俾人激親條氣唔順，點算? (疏肝調和支溝與陽陵泉)

條氣唔順，大多數都係俾人激親。中醫認為，一旦情志內傷，肝膽就會失於疏泄，導致氣機不暢，甚至氣鬱化火，可表現為兩脅插刀咁痛，胸悶腹脹，小便不利，大便不通等等。

教大家學下呢兩個穴位，以防俾小人激到紮紮跳～

支溝

又名飛虎。
同飛虎隊冇關架，不過係同手上嘅虎口有關就真。

由於呢個穴位有一個簡易取穴法：以雙手虎口作交叉，中指尖飛到對側前臂外側就是穴位的位置，所以又名飛虎。

支，有肢的意思，指上肢前臂部位；
溝，因為呢個穴位在手腕後兩條骨之間的凹陷位，兩條手筋之間如溝，所以呢個穴位叫支溝。

支溝係經火穴，有清利三焦，降火通便的作用。尤其是你谷氣時，有冇試過身體好似塞晒車咁，眼睛赤痛，胸悶腹脹，小便不利，大便不通等症狀呢?

支溝可以清利三焦之氣 (三焦分為上焦、中焦、下焦，簡單黎講，三焦係身體內嘅運輸管道)，條氣順晒，冇再塞車，好多身體毛病就會迎刃而解啦!

又名陽陵、陽之陵泉

由於呢個穴位在小腿外側腓骨小頭前下方凹陷處，腿外側屬陽，腓骨小頭突起個位似一個山陵、陵丘，穴在其下方凹陷部，故稱泉，所以此穴叫陽陵泉。

陽陵泉係膽經合土穴，本經脈氣所入，又善於治療筋病 (例如跌打損傷，筋骨勞損等等)，所以亦係筋之會穴。

另外，陽陵泉以疏調肝膽為主，意思係幫你疏疏肝，以免大動肝火，「辣著」你set肝膽，通常表現為口苦咽乾，頭暈眼花，脅肋疼痛，頭痛失眠等等。

支溝與陽陵泉，分別係手少陽三焦經穴及足少陽膽經穴，認住呢 set 少陽經穴，希望大家都有所得著啦～

	支溝	陽陵泉
位置	在前臂背側，腕背橫紋中點上3寸，尺骨與橈骨之間	在小腿外側，在腓骨頭前下方凹陷處
所屬經絡	三焦經	膽經
備註	經火穴，本經脈氣所行	合土穴，本經脈氣所入筋之會穴
功效	調理臟腑，通關開竅活絡散瘀，行氣止痛清利三焦，通調腑氣降逆泄火	和解少陽，疏泄肝膽清瀉濕熱，袪除風邪舒筋活絡，緩急止痛
主治	兩穴合用有小柴胡湯之功，疏散鬱結，和解少陽，善治少陽病膽囊炎，慢性肝炎，症見脅肋疼痛者肋間神經痛習慣性便秘婦人月經前乳房脹痛，經行不暢等症

Hollywood was your hair*米奇醫師為執業女中醫師

原文載於澤聲中醫