[康復香港] 抗疫從食物入手 5項提升免疫力飲食建議

----- 廣告 Ad -----

政府唔封關，港人要自救。疫症蔓延之下，唔淨止假口罩、假消毒液，網上社交媒體亦充斥假新聞、假消息。

其中不少似是而非嘅「健康食品」以「抗疫」、「增強免疫力」為包裝，乘勢推出市場，但功效成疑。

事實上，要強身健體，何需進食人工補充品? 台灣有營養師就提出5項抗疫飲食指南，全部都可以喺天然食物之中取得。

1. 多食蛋白質

蛋白質係構成白血球同身體抗體嘅主要成分，若攝取蛋白質不足，可導致免疫機能降低，增加疾病感染風險。

取得食物: 蛋、奶、魚、雞、黃豆製品 (如豆腐) 等。

2. 維他命及礦物質

不同嘅維他命及礦物質，能修補身體免疫系統，預防感染。要注意嘅係，絕大部份嘅維他命同礦物質，都可以喺日常飲食吸收，無需食用營養補充品。

營養	與免疫相關功能	食物來源
維他命A	維持黏膜健康，強化免疫第一道防線維持抗體與T細胞正常功能	肝臟、深綠色蔬菜、深黃色蔬菜、紅蘿蔔
維他命B	B細胞製造抗體所需維持淋巴球與T細胞正常功能	奶類、瘦肉、肝臟、深綠色蔬菜、全穀類、酵母
維他命C	提升吞噬細胞活性維持T細胞正常功能	番石榴 (芭樂)、柑橘類、奇異果、甜椒
維他命D	促進免疫細胞正常分化提升吞噬細胞與T細胞活性	奶類、肝臟、魚類、香菇、曬太陽
維他命E	維持細胞膜健康	植物油、堅果、胚芽
鋅	抗氧化、抗發炎抑制細胞突變、抗癌	肉類、魚類、肝臟、豆類
硒	促進細胞生長發育維持吞噬細胞與T細胞正常功能	瘦肉、海鮮、奶類、核果、全穀類、南瓜
鐵	維持淋巴球與抗體正常功能	肝臟、牛肉、蛤蠣、牡蠣、深綠色蔬菜、紅鳳菜、全穀類
銅	維持吞噬細胞與T細胞正常功能	牡蠣、魚類、肉類、肝臟、黃豆、全穀類

 

3. 攝取好脂肪

避免食用過量 Omega-6 食油，如大豆油、玉米油、葵花籽油。最好多攝取含 Omega-3 嘅食油，有助於減少體內的慢性發炎反應，讓免疫細胞不會過勞。

取得食物: 鯖魚、秋刀魚、鮪魚、鮭魚、海藻、堅果、亞麻籽、亞麻仁油等。

4. 維持腸道健康

人體70％嘅免疫細胞位於腸道，而腸道內細菌有助於調節免疫力。腸道益生菌，對維持腸道健康甚有益。

取得食物: 發酵食物，如乳酪、芝士、酸奶、韓式泡菜等; 膳食纖維，如蔬菜、水果、全穀物。

5. 菇菌類活化細胞

海藻類同菇蕈類食物含有特殊嘅多醣體，多醣體可活化免疫細胞，也有助調節免疫系統，使免疫細胞保持良好的戰鬥力。

取得食物: 冬菇、紫菜、昆布等。

資料參考: 早安健康